Na primavera do ano pasado deixábanos Pedro Sarmiento, precursor e coordinador do proxecto LÓVA en España desde 2005.
O vindeiro 26 de marzo renderáselle unha merecida homenaxe no Teatro Real en Madrid. A súa familia e amigos queren contar con todos os que tivemos a sorte de coñecer a Pedro directamente ou a través das compañías de ópera que ao longo destes anos se foron formando nos coles.
Pídennos que elaboremos unha postal que recolla un recordo, un sentimento, unha anécdota. Enviarémolas todas á organización e distribuiranse nas butacas do Teatro Real para recibir os asistentes cun agasallo. Compartiremos con toda a familia "loveira" a nosa admiración por unha persoa tan especial e tan necesaria. Sempre estará acompañándonos nas nosas aulas e nos nosos corazóns.
Compañías Vidriera e Volcán, o longo desta semana iremos contándovos como nos organizamos para enviar as tarxetas.
ResponderEliminarEmocionante homenaxe a que vivimos no Teatro Real. Grazas Pedro. Seguirás connosco.
ResponderEliminarGrazas a todo o alumnado que colaborou elaborando as súas postais: Compañías Vidriera, Volcán e Dinosaurios Divertidos. Chulísimas!