RETO CONSEGUIDO!

Chegou o día! Esta tarde a compañía de ópera Volcán presentou "¿Quieres ser mi amigo?" diante das súas familias, profes e invitados. Bravísimo!
Entre todos foron capaces de sacar adiante a representación na que viñan traballando este curso. O reto máis importante. E conseguírono, claro que si. Con dúbidas, con erros, pero tamén con moitos acertos e, sobre todo, con moita ilusión. PARABÉNS!

¿QUIERES SER MI AMIGO?

Preparados, listos... comeza a conta atrás!

 

III FEIRA "ARES ARREDOR DE SI"

Hai poucos días celebrábase a feira que organizamos no cole para mostrar unha parte do traballo que se fai nas aulas. A compañía de ópera Volcán montou o seu propio stand. Pola mañá tivemos tempo de ver os traballos dos compañeiros do cole e compartir o noso, tamén coas autoridades que nos visitaron. Á tarde, recibimos a familias e viciños que se achegaron a interesarse polo que facemos no cole.

ILLA DE SANTA CRUZ

Continuamos taballando no libreto. Para documentarnos sobre o contexto, desprazámonos á Illa de Santa Cruz, en Oleiros. Unha experiencia moi  boa, con historias de piratas, heroínas, condesas; entorno moi acaído para as personaxes da nosa ópera. Agora deberemos trasladalo ao escenario. Un reto máis a superar.

TEATRO JOFRE

A compañía está a traballar na estructura dramática da ópera. Para saber máis, solicitamos unha visita guiada ao tetro Jofre. Puidemos admirar a súa beleza e pisar o escenario. Que grande parece!
Jose levounos polas dependencias do edificio e Antón explicounos a parte técnica. Gazas aos dous!

CERVÁS E CHANTEIRO

Ao longo deste curso, todo o cole está a traballar nun proxecto sobre Ares e a súa contorna. En Infantil escollemos Cervás e Chanteiro. Hai poucos días visitamos o Mosteiro de Santa Catalina de Montefaro, guiados por membros da Asociación de amigos de Santa Catalina. Tamén estivemos na praia de Chanteiro e na Ermida da Mercé. Foron dúas saídas moi interesantes. O que máis nos gustou foi a praia!

...E CHEGOU VERO!

Un privilexio para esta compañía poder contar coa presenza de Vero na aula, todiña para nos! Unha sesión de fantasía, emoción e aprendizaxe. Grazas Vero pola túa xenerosidade. Esas bruxas vannos acompañar durante moito tempo.

AS AVOAS TAMÉN FAN TEATRO

Todas as colaboracións son importantes, pero cando veñen as avoas e os avós, teñen algo máis especial aínda. Esta vez, Mari e a súa amiga Tere, achegáronnos o teatro afeizoado á aula. Gustounos moito. Atención ao frigorífico que construíron Mateo e a súa familia!

ESCENOGRAFÍA

Seguimos contando dos obradoiros que fixemos na aula.
María visitou a aula LÓVA para falarnos de escenografía, de como crear espazos e ambientes, da importancia da iluminación... Grazas María. Foi moi divertido e aprendemos moito!

NICA E BONI

Que ben o pasamos con Nica e Boni na biblioteca! A historia destes bonecos do entroido de Chanteiro pareceunos moi interesante e divertida. Este ano nós tamén nos disfrazaremos de bonecos e bonecas. Estanos quedando un disfraz chulísimo!
 (No blogue de dinamización lingüística contarán máis desta visita).

OBRADOIRO DE DANZA

Isto comeza a poñerse serio. Toca traballar interpretación. Comezamos cun obradoiro de danza impartido pola nai de Juan Antonio. Estamos algo tímidos, pero pouco a pouco imos entrando. Aprendemos que a través do movemento podemos transmitir emocións, que a concentración e o silencio son moi importantes. Entre todos facemos unha coreografía. Foi moi divertido. Grazas Constan!

MÁIS OBRADOIROS

Levamos xa moitas semanas sen publicar nada, pero na aula LÓVA seguen a pasar cousas. Hoxe imos falar de dous obradoiros que fixemos antes do nadal: construcción de focos e costura.
O avó de Celtia achegouse ao cole para ensinarnos a construír focos. Nós xa mercaramos na ferretería  o material necesario. Puxémonos algo nerviosos e portámonos regular, pero gustounos moito. Temos catro focos listos para utilizar na nosa escenografía.
Tamén veu polo cole a avoa de Thiago. Con ela aprendemos a coser un botón. Tamén nos ensinou a tomar medidas para facer patróns. Todo iso vainos ser moi útil para facer os disfraces de carnaval. Este ano cada un fará o seu (con algunha axuda, claro). Tamén servirá cando deseñemos o vestiario para a ópera.
¡Cantas cousas podemos aprender dos avós!

AVANZAMOS

Pouco a pouco imos avanzando. Profundizamos no que nos parece importante a través dos nosos obxectos favoritos. Compartimos os medos, as preocupacións, o que nos entristece, o que nos enfada. Cada día coñecémonos mellor e repectámonos máis.
Aprendemos a traballar xuntos, a escoitarnos, xogando e plantexando retos. APRENDEMOS.
Temos nome, por fin. Somos VOLVÁN, compañía de ópera

.