jueves, 26 de mayo de 2022

HOXE TIVEMOS VISITA!

 ESTA MAÑÁ VISITÁRONNOS JOSE SORDO, O ASESOR DO CFR DE FERROL, E LAURA BAÑUELOS, COORDENADORA DE LÓVA EN ESPAÑA. AS NENAS E OS NENOS DA COMPAÑÍA DE ÓPERA "DINOSAURIOS DIVERTIDOS" PUIDERON MOSTRARLLES COMO ESTÁ SENDO O NOSO TRABALLO. ESTIVERON ESPECTACULARES!







viernes, 20 de mayo de 2022

CREANDO ENTRE TODOS

 Durante todo o segundo trimestre, estivemos a traballar moito. Repartimos as profesións e lanzámonos a crear a trama.

Comezamos escollendo o tema da ópera, qué queremos contar. Perfilamos as personaxes, a relación entre elas, o contexto. Inventamos a historia, que lles pasa, como o resolven.

Tamén deseñamos as camisetas. O concello colaborou na súa adquisición, costeando unha camiseta para cada membro da compañía.

E mercamos un piano dixital, para que os músicos poidan traballar moi, moi ben.

Este 3º trimestre continuamos. Pensamos a escenografía, o vestiario. Pouco a pouco fomos concretando os diálogos e as cancións de cada acto. Agora queda ir rematando o vestiario, a escenografía, e ensaiar moito, moito.








jueves, 31 de marzo de 2022

SOLIDARIOS COA INFANCIA DE UCRAÍNA


O noso cole vén colaborando coa ONG Save the Children na atención á infancia máis desfavorecida. O alumnado da ESO propuxo unha acción solidaria destinada a recadar fondos para a infancia de Ucraína. Tedes máis información en TESMOITALINGUA, o blogue de dinamización lingüística do centro.

O vindeiro domingo ás 11:45 h., o concello organiza un acto na Praza da Constitución. Alí estará a rapazada da ESO vendendo bolígrafos e pulseras. Colaboras?


domingo, 13 de marzo de 2022

HOMENAXE A PEDRO SARMIENTO

Na primavera do ano pasado deixábanos Pedro Sarmiento, precursor e coordinador do proxecto LÓVA en España desde 2005. 

O vindeiro 26 de marzo renderáselle unha merecida homenaxe no Teatro Real en Madrid. A súa familia e amigos queren contar con todos os que tivemos a sorte de coñecer a Pedro directamente ou a través das compañías de ópera que ao longo destes anos se foron formando nos coles. 

Pídennos que elaboremos unha postal que recolla un recordo, un sentimento, unha anécdota. Enviarémolas todas á organización e distribuiranse nas butacas do Teatro Real para recibir os asistentes cun agasallo. Compartiremos con toda a familia "loveira" a nosa admiración por unha persoa tan especial e tan necesaria. Sempre estará acompañándonos nas nosas aulas e nos nosos corazóns.




jueves, 13 de enero de 2022

TEATRO JOFRE

 Esta semana continuamos profundizando nas profesións que colaboran nunha compañía de ópera. Visitamos o teatro Jofre para observar como é un escenario profesional, como desenvolven o seu traballo os técnicos de son e luces (deixáronnos probar), como son os telóns, a bambalina, as barras de focos, etc. Tamén puidemos ver os camerinos. E aprendemos como se chaman os diferentes espazos onde se sitúa o público: patio de butacas, palcos, paraíso.

Agora xa temos unha referencia para saber onde realiza cada quen o seu traballo e así poderemos escoller mellor a profesión que queremos asumir na nosa ópera.

Moitas grazas a José e a Cholo por explicarnos tantas
 cousas e tan ben!



domingo, 19 de diciembre de 2021

ALMA QUERE UNHA TUBA


 Hai uns días presentamos a profesión de músico. Ivan Pantín, profe de música da ESO, contounos un conto moi chulo dunha nena que quería tocar a tuba. Acompañado ao piano por  Genaro Fernández, profe de piano no conservatorio de Ferrol, interpretáronnos unha peza composta para este conto. Gustounos moito! Grazas Iván e Genaro por colaborar connosco.


COÑECÉNDONOS

 Cada un de nós trouxo ao cole o seu obxecto máis prezado e contou as súas razóns. É un xeito de coñecernos mellor, de empatizar coas emocións dos outros, de ir vendo que cousas nos preocupan, que sentimentos nos moven. Esta é a nosa colección.